Notisia

Dia 20 di desèmber 2022 Ombudsman di Kòrsou, Keursly Concincion, a hasi entrega di un konsepto di lei na Minister di Maneho di Gobernashon, Planifikashon i Servisio Públiko, señor mr. Ornelio Martina, den kua ta keda proponé pa instituí reglanan uniforme i transparente pa e forma kon gobièrnu internamente ta atendé ku su propio kehonan.

Djamars 29 di November 2022 e institutonan di Ombudsan den Reino a organisá un konferensha ku e tema pobresa. Durante di e konferensha a para ketu prinsipalmente na e tópiko pobresa den e parti Karibense den Reino.

Dia 18 di novèmber 2022 Ombudsman di Kòrsou, Keursly Concincion, a hasi entrega di un konsepto di lei na Minister di Desaroyo Sosial, Labor i Bienestar, señora mr. Ruthmilda Larmonie-Cecilia, ku tin komo meta pa fortifiká e derechi di siudadanonan riba akseso na awa limpi.

Dia 14 di òktober 2022 Ombudsman di Kòrsou, sr. Keursly Concincion, a organisá un ‘workshop’ na Avila Hotel tokante e tópiko di transparensia di gobernashon, destiná pa empleadonan di sektor públiko. E ‘workshop’ a tuma lugá for di 10 or di mainta te 4 or di atardi.

Dia 30 di sèptèmber 2022 Ombudsman di Kòrsou, Keursly Concincion, a organisá un kombersashon di mesa rondó tokante e tópiko di pobresa na Kòrsou. Na e kombersashon aki a partisipá un grupo grandi di organisashon lokal ku den práktika ta traha pa kombatí problemanan sosial na Kòrsou.

Ombudsman di Kòrsou a tuma nota ku preokupashon via di medionan di komunikashon lokal di diferente kaso di abusu seksual kontra menornan di edat.

Na aña 2020 Parlamento di Kòrsou a aprobá e lei ku ta hasi posibel pa nombra un Ombudsman pa Mucha na Kòrsou.