Reunion mundial di direktiva di IOI ta tuma lugá na Kòrsou

. Kòrsou lo ta e promé pais di Karibe ku tin e oportunidat pa organisá e evento prestigioso aki, for di lantamentu di IOI na 1978. E desishon pa e kumbre aki keda organisá na Kòrsou, a keda tumá durante di e reunion anterior di e direktiva mundial, ku a tuma lugá na Marokko (2025). 

Ombudsman di Kòrsou, Keursly Concincion, ta organisá e reunion aki i lo fungi komo anfitrion di e delegashonnan internashonal. Sr. Concincion ta miembro di e direktiva mundial for di aña 2019 i ta okupá aktualmente e kargo di IOI Presidente Regional pa Karibe i Latino Amérika for di aña 2024.

IOI ta e úniko organisashon mundial pa institutonan di Ombudsman i ta akapará mas di 200 instituto independiente for di mas di 100 pais. E organisashon ta dediká su mes na promové transparensha i bon gobernashon, i e protekshon di derechinan humano dor di, entre otro, fomentá koperashon internashonal i interkambio di konosementu.