E Defensor di Pueblo
Sr. Concincion a keda nombrá komo Ombudsman di Kòrsou riba 13 òktober 2015 dor di Parlamento di Kòrsou. Prome ku esey, sr. Concincion tabata funshoná for di aña 2011, komo e persona ku tabata enkargá ku e aspektonan legal di e Ofisina di Ombudsman, i tambe ku e maneho di e personal, na nòmber di e Ombudsman. Den e kuadro aki, sr. Concincion tabata fungi tambe komo e remplasante di e Ombudsman for di 2011.
Sr. Concincion tabata, prome ku e la uni su mes na e Ofisina di Ombudsman, kordinadó di e departamentu di asuntunan legal di e servisio di gobièrnu ku tabata enkargá ku asuntunan huridikio i asuntunan general (AJZ/WJZ) for di 2006. Prome ku esaki, sr. Concincion a traha na AJZ kaminda e tabata enkargá entre otro ku hasimentu di kasonan den korte, trahamentu di konseptonan di lei, i konsehamentu di gobièrnu riba tur area legal nesesario.
Despues di a finalisá su estudio di lei na Universidat Nashonal di Antia (UNA/UoC), sr. Concincion a sigui un gran kantidat di kursonan riba entre otro e area di kombatimentu di korupshon, promoshon di integridat i trahamentu di maneho den sector públiko.
Sr. Concincion a forma tambe parti di diferente komishon. Sr. Concincion tabata entre otro miembro di e komishon ku a traha riba e Areglo di Estado di Kòrsou (Staatsregeling) ku a bira vigente na aña 2010.