Enkuesta tokante perspectiva di siudadano relashoná ku kasnan di ansiano i kasnan di kuido na Kòrsou

E investigashon ta akapará e periodo di 1 di òktober 2020 te ku 1 di òktober 2025 i ta enfoká eksklusívamente  riba e supervishon ku Ministerio di Salubridat, Medio Ambiente i Naturalesa ta ehersé.

Ku e enkuesta aki Ombudsman lo duna e eksperiensianan di (èks) habitantenan i nan sernan mas yegá un lugá sentral den e investigashon. E informashon di e enkuesta ta esensial pa haña un bista fiel di kon e supervishon di gobièrnu ta keda eksperensiá den práktika i na unda lo por tin posibel opstákulonan.

E enkuesta aki ta spesífikamente dirigí riba (èks) habitantenan i nan sernan mas yegá.Trahadonan di kasnan di ansiano i di kuido ta keda pidí amáblemente pa no yena e enkuesta.

Partisipashon na e enkuesta ta boluntario i tur datos lo keda tratá di manera anónimo. E enkuesta por keda yená den Papiamentu, Hulandes i Ingles.

Klik aki pa yena e enkuesta.