Wak bèk e webinar: e ròl di Ombudsman den garantisá e derecho di awa di bebe sigur i limpi

Durante e webinar a enfatisá e siguiente prinsipionan importante:

Hende, no sifra: Nos mester mira mas ayá ku statistiká. Tras di kada sifra tin un historia humano, spesialmente den kaso di hende vulnerabel.

Un kuadro hurídiko fuerte: Un derecho no ta efektivo si e no ta ankrá den lei. Ta esensial pa duna e derecho di awa un base legal, pa asina e bira un obligashon.

Protekshon di muchanan: Bou di ningun sirkunstansia muchanan mester keda sin akseso na awa. Ta un rekurso vital ku no ta permití eksepshon.

Kooperashon internashonal: Interkambio di konosementu i fortalesementu di kapasidat ta esensial pa e komunidat di Ombudsman na nivel global.

Garantisá eksigibilidat: Nos mester sigurá ku e derecho di awa ta legalmente eksigibel. Si un derecho no por wòrdu reklamá na hustisia, e ta keda solamente un intenshon.

Protekshon ambiental i kambio klimátiko: E derechi di awa ta inseparabel for di e protekshon di nos medio ambiente. Nos mester integrá resilensia klimátiko pa garantisá ku nos fuentenan di awa ta sostenibel pa futuro.

Por wak e webinar aki bek.