Ombudsman ta lansa enkuesta tokante konosementu di e instituto

Ombudsman di Kòrsou ta lansa un enkuesta riba 27 di ougùstùs 2026 ku e meta pa midi e nivel di konosementu tokante e instituto den komunidat di Kòrsou. Ku e enkuesta aki, Ombudsman ke determiná prinsipalmente den kua grado siudadanonan ta familiarisá ku e instituto i tambe ku e siudadano sa pa kua asuntonan spesífiko e por aserká e organisashon.

E informashon optené lo keda usá pa determiná stratégikamente kon por alkansá e komunidat mihó i kon por sigui mehorá e servisio. E enkuesta ta disponibel tantu ‘online’ (via www.ombudsman.cw) komo na algun lugá públiko. E enkuesta ta disponibel na Papiamentu, Hulandes, Ingles i Spañó.

Klik aki pa yena e enkuesta.