Preguntanan frekuente

Por entregá keho kontra akshonnan di órganonan atministrativo di Pais Kòrsou i kontra akshonnan di personanan ku ta traha bou di responsabilidat di e órganonan aki. E Ordenansa Nashonal di Defensor di Pueblo ta definí órganonan atministrativo komo e ministernan di Pais. Personanan ku ta traha bou di responsabilidat di e órganonan aki ta inkluí, por ehèmpel, funshonarionan públiko (ámtenar) di un organisashon partikular i/òf trahadónan temporal.

Sinembargo, semper e outor di e petishon mester entregá su keho na e órgano atministrativo konserní, promé ku e aserká Defensor di Pueblo ku un petishon pa inisiá un investigashon.

Parlamento di Kòrsou ta nombra Defensor di Pueblo pa un periodo di seis (6) aña. Promé ku e nombramentu aki tin un nominashon di e Visepresidente di Konseho di Konsulta Kòrsou, Presidente di Kontrolaria General i Presidente di Korte Komun di Hustisia. Despues di e término aki, por bolbe nombra e Defensor di Pueblo pa otro periodo di seis (6) aña. Esaki ta nifiká ku un Defensor di Pueblo por okupá e funshon pa un total di 12 aña.

Ken ku ta haña ku un órgano atministrativo a aktua di forma inkorekto pa ku un persona natural òf un entidat hurídiko (por ehèmpel un empresa òf un fundashon) den un asuntu partikular, por pidi Defensor di Pueblo pa inisiá un investigashon.

Defensor di Pueblo no ta outorisá pa atendé kasonan manera esnan ariba menshoná, komo ku den e kasonan aki no por papia di algu ku gobièrnu a hasi. Den kasonan asina, Defensor di Pueblo lo referí bo na e instansianan konserní ku por yuda. Kaminda ta posibel I den un kaso konkreto, un kolaboradó di Ofisina di Defensor di Pueblo por, huntu ku e outor di e keho, konsehá e outor di e keho riba posibel pasonan ku por tuma.

Defensor di Pueblo ta ehekutá su tareanan di forma independiente di gobièrnu di Kòrsou. E independensia aki ta garantisá pa lei. P’esei nunka un òf mas minister no por pidi Defensor di Pueblo pa bin rindi kuenta serka dje/nan.

E rekomendashonnan di Defensor di Pueblo no ta obligatorio. E órgano atministrativo na kua e rekomendashonnan a keda hasí mester informá Defensor di Pueblo si, i si ta asina, kon, el a adoptá e rekomendashonnan i splika dikon e no a adoptá nan òf a desviá for di nan.

Si tuma kontakto ku Defensor di Pueblo ku un petishon ku ta kai pafó di su área di kompetensia, lo referí e persona en kuestion na e lugá apropiá. Kaminda ta posibel, den un kaso spesífiko, Defensor di Pueblo por, huntu ku outor di e keho, konsehá outor di e keho riba posibel pasonan pa tuma pa remediá su situashon.

Bo por tuma kontakto ku Defensor di Pueblo di Kòrsou si bo ta malkontentu ku un akshon (òf omishon) di un órgano atministrativo i bo mes a purba resolvé e situashon ku e órgano atministrativo en kuestion sin keda kla.

E Ordenansa Nashonal di Defensor di Pueblo ta definí un órgano atministrativo komo personanan òf instansianan ku tin outoridat públiko. Esaki ta inkluí ministernan òf fundashonnan di gobièrnu.

Parlamento di Kòrsou ta nombra Defensor di Pueblo pa un periodo di seis (6) aña. Despues di e término aki, por bolbe nombra e Defensor di Pueblo pa otro periodo di seis (6) aña. Esaki ta nifiká ku un Defensor di Pueblo por okupá e funshon pa un total di 12 aña.

Promé ku e nombramentu aki tin un nominashon di e Visepresidente di Konseho di Konsulta Kòrsou, Presidente di Kontrolaria General i Presidente di e Korte Komun di Hustisia.

Nò. Ta uza e término “Ombudsman” (na Papiamentu: Defensor di Pueblo) rònt mundu. E palabra, originalmente fiá for di sueko, ta nifiká “representante.” Suesia tabata e promé pais ku a nombra un funshonario independiente pa investigá kehonan tokante funshonarionan i instansianan di gobièrnu. Por sierto, e gran mayoria di esnan ku ta okupá e funshon di Defensor di Pueblo mundialmente ta hende muhé.

Defensor di Mucha ta defendé derechi di mucha i hóben na Kòrsou. Defensor di Mucha ta vigilá si gobièrnu, skol i otro organisashonnan ta respetá e derechinan aki.

Bou di e Tratado Internashonal di Derechi di Mucha (CRC), ta rekerí un funshonario ku ta vigilá di forma independiente i imparsial si ta tuma derechi di mucha i hóben na serio.

Si. E Defensor di Mucha ta funshoná kompletamente independiente di gobièrnu i otro organisashonnan. Defensor di Mucha ta evaluá situashonnan di forma imparsial i semper e ta skohe e posishon ku ta sirbi interes di e mucha mihó.

Si. Mucha i hóbennan por tuma kontakto direktamente si nan ta sinti ku ta violá nan derechinan.

Mucha tin derechi riba protekshon, por ehèmpel, kontra violensia i maltrato, pa nan por lanta trankil. Nan tin derechi riba rekursonan adekuá, manera edukashon, kuido di salú i un ambiente di bida sigur. Mucha tin derechi tambe riba un nòmber i nashonalidat, riba wega i tempu liber, i riba oportunidat pa ekspresá nan opinion i ser skuchá.

Tur e derechinan aki ta ankrá den e Tratado Internashonal di Derechi di Mucha (CRC).

Si. Ken ku ta preokupá pa derechi di mucha òf hóben por tuma kontakto ku Defensor di Mucha.

Defensor di Mucha ta skucha e relato i ta investigá, si akaso mester tuma akshon. Tin biaha ta duna konseho, tin biaha ta tuma kontakto ku un organisashon òf ta hasi rekomendashon na gobièrnu.

Nò. E servisionan di Defensor di Mucha ta grátis.

Si. Tur loke bo kompartí lo keda tratá di forma kuidadoso i konfidensial.

Nò. Defensor di Mucha ta vigilá i hasi rekomendashon. Gobièrnu i organisashonnan mester tuma nan propio desishonnan a base di e rekomendashonnan aki.

Nò. Nan no ta legalmente obligatorio. Sinembargo, e organisashonnan òf institushonnan na kua e rekomendashonnan ta dirigí mester respondé i indiká kiko nan tin intenshon di hasi ku nan.

Bo por tuma kontakto via telefòn, email òf dor di bishitá ofisina di Ombudsman. Detayenan di kontakto ta riba e wèpsait aki.