E tarea prinsipal di e Defensor di Pueblo ta konsistí di hasi investigashon a base di un petishon si tin sospecho riba sierto komportashon di un órgano atministrativo, of, si ta aplikabel, ku komportashon di un funshonario mester wòrdu kualifiká komo adekuá of inadekuá.

Mas aleu e Defensor di Pueblo por hasi un investigashon ofishalmente, por ehèmpel si e tin e sospecho ku un sierto tarea atministrativo struktural no ta wòrdu ehekutá manera mester (kehonan di suidadanonan mester wòrdu tumá komo un señal for di e sosiedat kon e kalidat di e direktorado ta wòrdu midí) of si for di propio opservashon i/of for di sonido di sosiedat e tende papiá di komportashon gubernamental, ku pa kualke motibu (ainda) .no a resultá den entrega di un keho serka e Defensor di Pueblo (por ehèmpel puntonan krusial komo konsekuensha di kambio di maneho).

E funshon nan prinsipal di e Defensor di Pueblo por wòrdu hinká den seis kategoria:

  • otorgá protekshon hurídiko individual adishonal kontra komportashon gubernamental;
  • fungi komo punto di kontakto kontra froude i korupshon;
  • funshon di intervenshon;
  • promoshon di un bon kalidat di kuido gubernamental;
  • fortalesé e funshon di kontròl di Parlamento;
  • Kumpli ku un funshon komo lugá pa hasi pregunta i funshon di referensha pa públiko.