Dia 18 di novèmber 2022 Ombudsman di Kòrsou, Keursly Concincion, a hasi entrega di un konsepto di lei na Minister di Desaroyo Sosial, Labor i Bienestar, señora mr. Ruthmilda Larmonie-Cecilia, ku tin komo meta pa fortifiká e derechi di siudadanonan riba akseso na awa limpi.

E konsepto di lei aki ta e resultado di palabrashonnan ku a keda hasí entre Ombudsman i Minister, pa eksplorá posibel solushonnan pa e echo ku varios siudadano, ku den práktika no por paga nan resibu di awa, ta keda deskonektá for di e ret di awa.

E konsepto di lei awor lo bai kana e proseso di evaluashon i konseho den e Ministerio di Desaroyo Sosial, Labor i Bienestar.