Diálogo nashonal ‘bibu’ tokante derechinan di mucha

En konekshon ku Dia Internashonal di Mucha riba 20 di novèmber 2026, Ombudsman di Kòrsou, Keursly 
Concincion, ta organisá un diálogo nashonal.

En konekshon ku Dia Internashonal di Mucha riba 20 di novèmber 2026, Ombudsman di Kòrsou, Keursly Concincion, ta organisá un diálogo nashonal ‘’bibu’ riba e thema ‘kon nos por protehá nos hobennan kontra e posibel peligernan di medionan sosial di komunikashon sin limitá nan desaroyo?’ 

Na e kombersashon lo partispá kuater eksperto: un sikólogo, un edukadó riba e tema di abusu di mucha, un direktora athunto di un skol i un terapista di famia. Nan lo kompartí nan perspektiva riba varios aspekto di e tópiko i su impakto riba e derecho i desaroyo di mucha. 

E diálogo lo keda transmití bibu riba Direct TV kanal 13, Tele Curaçao i Nos Pais TV for di 18.45 di anochi te 20.00 di anochi, i tambe por keda siguí via di e pagina di Facebook di Ombudsman. 

Públiko ta keda invitá kordialmente pa sigui e emishon.