Alto Kolegionan di Estado ta estrechá koperashon

Riba 4 di desèmber 2025 a tuma luga un reunion na Ofisina di Ombudsman di Kòrsou entre Ombudsman Keursly Concincion, Visepresidente di Konseho di Konsulta di Kòrsou Lizanne Dindial, i Presidente di Kontrolaria General di Kòrsou Joël Felida. 

E reunion tabata dirigí, prinsipalmente, riba fortalesementu di e koperashon mutuo. Banda di esaki e representantenan di e órganonan di estado a para ketu tambe na formanan pa sigui mehorá e ‘checks and balances’ den e struktura konstitushonal di Kòrsou, i na e importansia den e kuadro aki di órganonan di kòntrol i konseho ku ta funshoná di forma independiente.

E tres Alto Kolegionan di Estado a palabrá pa sigui intensivá nan koperashon den e periodo benidero, pa di e manera aki sigui halsa e kalidat di gobernashon, legislashon i supervishon finansiero na Kòrsou. 

De Voorzitter van de Algemene Rekenkamer van Curaçao, Joël Felida, de Ondervoorzitter van de Raad van Advies van Curaçao, Lizanne Dindial en Ombudsman Keursly Concincion.
De Voorzitter van de Algemene Rekenkamer van Curaçao, Joël Felida, de Ondervoorzitter van de Raad van Advies van Curaçao, Lizanne Dindial en Ombudsman Keursly Concincion.